Mard Ko Dard Hota Hai

Kehte hain
Mard ko dard nahi hota
Jhooth kehte hain
Hota hai
Vo bas dikhata nahi
Kyunki usse lagta hai
Ki vo toot gaya, toh sab dheh jayega
Vo sehta hai, sehej rehta hai
Sirf unki khatir
Jinse vo pyaar karta hai
Zimmedariyan nibhata hai
Rishte bhi
Bharta hai zindagi ki
Kishte bhi
Kam dikhata hai dard apne
Sab chhupata hai
Jinka khayaal rakhta hai unse
Vo dard baantna nahi chahta
Vo tumhari khushi ki khatir nahi rota
Aur tum kehte ho
Mard ko dard nahi hota...

Happy Men's Day to all men out there!

Aatang

Itni nafrat le ke kahan jaaoge
Apne khuda ko kaise shakal dikhaoge
Khoon mein sane in haathon ko
Duaa mein kaise uthaaoge
Hazaaron ki jaan lene se
Hazaaron ko dard dene se
Kuch nahi paoge
Main toh ye bhi nahi keh sakta
Ki bhayanak maut maroge
Tum toh mar ke maut ko
Sharminda karwaoge
Maasum logon ko maarna hi
Agar lakshya hai tumhara
Toh jeekar bhi
Aakhir kis tarah ki zindagi paoge
Ek umar ke liye aaye ho
In saanson ke badle
Kaisa jahan de ke jaoge
Itni nafrat
Aakhir kahan le ke jaoge?

All our prayers and sympathies for the people who suffered in the horrific terror attack.