Zindagi Ka Pata

Ek Roz Zindagi Ka Maine Pucha Pata

Rehti Hai Tu Kaha… Ek Thikana Bata

Zindagi Muskura Kar Yeh Boli Mujhe

Dhundh Shiddatt Se… Milungi Tujhe

Main Wahi Hu Jaha Tune Socha Nahi

Rote Baache Ke Aansu Ko Pocchha Nahi

Haan…Main Uski Muskaan Me Hu Chupi

Tu Hasa Kar Usse … Dhundh Le Zindagi

Dhundh Paaye Na Abhi Toh Teri Khata

Ek Roz Zindagi Ka Maine Pucha Pata…

Fir Who Boli..Mera Ek Thikana Nai

Paas Aai Bhi Toh Tune Jana Nahi

Ek Bhuke Ko Tu Pet Bhar Ke Khila

Ki Woh Soche Usse Ek Farishta Mila

Dekh Kar Usko Thoda Sa Muska Le Tu

Aur DuaoMe Uski.. Mujhe Paa Le Tu

Koi Ehsaan Kar Toh Bhi Na Jata

Ek Roz Zindagi Ka Maine Pucha Pata…

Ye Kahe Zindagi…Sabke Daamann Me Hu

Bann Ke Chidiya Main Tum Sabke Aangan Me Hu

Jisko Toofan-Aandhi Se Rahat Nahi

Jisko Sone Ya Chandi Se Chahat Nahi

Kuch Chawal Ke Daane Tu Usko Khila

Apni Saanso Ko Tu Zindagi Se Mila

Saans Leta  Toh Hai Par Zindagi Lapata

Ek Roz Zindagi Ka Maine Pucha Pata…

Kehti Hai Zindagi … Kitne Chehro Me Hu

Pyaar Baat ta Jaha Aise Shehro Me Hu

Main Hu Ghum Ke Haatho Pe Khilti Hasi

Ek Laachar Ki Main Dua Me Basti

Bann Ke Insaan Pal Bhar Me Paa Le Mujhe

Girr Gayi Hu Main Tujhse…. Utha Le Mujhe

Rooh Se Teri Hokar Mera Rasta

Ek Roz Zindagi Ka Maine Pucha Pata…